.
Grenzveränderung zwischen Paderborn und Essen
Dekret der Bischofskongregation vom 7. Dezember 2006 (Prot. N. 976/2006)
in: KA 150 (2007) 157-158, Nr. 130
#Quo aptius christifidelium pastorali curae consuli possit, Exc.mi PP.DD Ioannes Iosephus Becker, Archiepiscopus Paderbornensis, et Felix Genn, Episcopus Essendiensis, ab Apostolica Sede unanimi consensu expostulaverunt, ut fines circumscriptionum ecclesiasticarum sibi concreditarum aliquantulum immutarentur.
Congregatio pro Episcopis, praehabito favorabili voto Exc.mi P.D. Hervini Iosephi Ender, Archiepiscopi titularis Germaniensis in Numidia et in Germania Apostolici Nuntii, rata huiusmodi immutationem animarum saluti profuturam, vigore specialium facultatum sibi a Summo Pontifice Benedicto, Divina Providentia PP. XVI, tributarum, oblatas preces accipiendas esse censuit.
Proinde hoc decreto, perinde valituro ac si Apostolicae sub plumbo Litterae datae forent, a territorio Paderbornensi distrahatur et dioecesi Essendiensi adiungatur quasi-paroecia Sanctae Teresiae a Iesu Infante in portione Evingsen oppidi Altena.
Ad haec perficienda Congregatio pro Episcopis deputat memoratum Ecx.mum P.D. Hervinum Iosephum Ender, necessarias et opportunas eidem tribuens facultates etiam subdelegandi, ad effectum de quo agitur, quemlibet virum in ecclesiastica dignitate constitutum, onere imposito ad eandem Congregationem pro Episcopis authenticum exemplar actus peractae exsecutionis remittendi.1#
Contrariis quibusvis minime obstantibus.
#
1 ↑ [Protokoll über den Vollzug abgedruckt in: KA 150 (2007) 158, Nr. 131.]
1 ↑ [Protokoll über den Vollzug abgedruckt in: KA 150 (2007) 158, Nr. 131.]